Incipit de Eldiriz

Incipit de Eldiriz. ⁽¹⁾
In Dei nomine. Ego Maria Suariz cum iermana mea, Guntina Suariz, et filia mea, Maria Petriz, facimus kartulam uenditionis uobis Eluire Nuniz de hereditate nostra propria quam habemus in uilla dicta Eldiriz, subtus monte Auterelo, discurrente riuulo Feuerus, territorio portugalensi, ciuitas Sancte Marie, quam habemus ex parte auorum et parentum nostrorum et de ganantia. Damus uobis de ipsa hereditate quartam de quinta integra cum quantum [fol. 106] in se obtinet et ad prestitum hominis est, suis locis et terminis terminatam antiquis et nouis. Et accepimus a uobis in pretium X modios; tantum nobis placuit et de pretio aput uos pro dare nichil remansit. Habeatis illam firmiter uos et omnis posteritas uestra iuri quieto temporibus seculorum. Ita ab hac die de nostro dominio sit abrasa et in uestro tradita et confirmata. Et si aliquis homo hanc kartam infringere uoluerit, siue de meo genere seu ex alieno sit, et nos illam in concilio deuendicare, id est defendere, et uobis concedere non potuerimus, aut uos in uoce nostra, componamus illam cum suo melioratu uobis duplatam et iudicatum. Facta karta IIII nonas decembris, era M.C.LX. Ego Maria Suariz in uoce de mea iermana, Gontina Suaria, et eius filia, Maria Petriz, illam propriis manibus roboramus. Pro testibus: Gundisaluus, ts; Menendus, ts; Petrus, ts. Rodericus notuit.