Karta de Eldiriz

In Dei nomine. Ego Suerius una cum iermana mea Godina Froilaz uobis dompno Suerio ⁽¹⁾ Fromariguiz et mulieri uestre Eluire Nuniz facimus kartam uendicionis de hereditate nostra propria quam habemus in uilla dicta Eldiriz, subtus monte Auturelo ⁽²⁾, discurrente riuulo Feuerus, territorio Portugal, in terra ciuitatis Sancte Marie, super stratam, quam habemus de parte auorum et parentum nostrorum et de gaancia, et fuit de Egilo. In Eldiriz, de VIII^a, nonam tantum damus ibi ad uos cum quantum in se obtinet et ad prestitum hominis est, ubi illam potueritis inuenire suis locis et terminis terminatam antiquis et nouis, pro X^L modios quos nobis pro illa dedistis in precio; tantum nobis bene placuit et pro dare aput uos nichil remansit. Habeatis ideo illam firmiter et uos et omnis posteritas uestra iuri quieto temporibus seculorum, ita ut ab hac ora de nostro dominio sit abrasa et in uestro confirmata perpetualiter. Et si homo de qualicumque genere hanc cartam infringere [fol. 106v°] uoluerit et nos in concilio illam defendere et uobis concedere non potuerimus, aut uos in uoce nostra, duplatam illam hereditatem cum omni suo melioratu uobis reddamus et iudicatum. Facta karta VIII° kalendas ianuarias, era M.C.XXXIIII. Ego Suerius Froilaz cm supra scriptis illam propriis manibus roboramus. Qui presentes fuerunt: Godinus, rs; Suerius, ts; Pelagius, ts; Arias, ts; Didacus, ts. Pelagius notuit.