Karta de Saitela

In Christi nomine. Hec est karta uendicionis quam ego Menendus Odoriz et filia mea ⁽¹⁾ facimus uobis canonicis Ecclesiole de hereditate nostra propria quam habemus in uilla Saitella sub ipso monte Saitela, discurrente riuulo Torno, prope littus maris, territorio portugalensi, in terra Sancte Marie ciuitatis. Damus uobis de illo casale quod fuit arras de Gontina Teliz, V^am, et de quattuor septimas septimam ⁺, et accepimus a uobis in precium pro X morabitinos; tantum nobis bene placuit et aput uos pro dare nichil remansit. Habeatis illam firmiter et uos et uestri successores iuri quieto temporibus seculorum, cum quantum in se obtinet et ad prestitum hominis est, in omni parte ubi illam inuenire potueritis suis locis et terminis determinatam antiquis et nouis in perpetuum. Et si aliquis homo uobis hanc kartam infringere uoluerit tam de mea quam ex aliena generatione, et nos in concilio illam defendere et uobis concedere non potuerimus, aut uos in uoce nostra, componamus illam uobis cum omni melioratu et iudicatum. Facta karta mense decembrio, era M.C.LX^L.VII. Ego Menendus Odoriz et mea filia coram idoneis testibus propriis manibus roboramus. Qui presentes fuerunt: Petrus, ts; Pelagius, ts; Gundisaluus, ts. Johannes notuit.

⁺ et de illo casal quod Tellus Pinctus ganauit de patre suo Suerio Arias, III ^am integram ⁽²⁾