Karta de Moroceses

In Dei nomine. Ego Tructesindus Menendiz uobis Petro Suariz et uxori uestre Marie Rabaldiz facio kartam de hereditate mea propria quam habeo in uilla Morroceses, subtus monte Pascales, discurrente riuulo Cerzedo, territorio portugalensi, in terra ciuitatis Sancte Marie. Do uobis ipsam hereditatem cum quantum in se obtinet et ad prestitum hominis est, ubicumque potuerit inueniri suis locis et terminis terminatam antiquis et nouis, et uenit mihi in porcionem ex parte auorum et parentum meorum, pro precio quod a uobis accepi, unum caballum de C et V modios, et XXX et V modios in alio auer; tantum mihi placuit et aput uos nichil pro dare remansit. Habeatis illam et uos et omnis posteritas uestra firmiter iuri quieto temporibus seculorum, ita ut ab hac die de dominio meo abrasa sit in uestro tradita et confirmata perhenniter. Et si hanc kartam aliquis homo infringere uoluerit, de meo seu de alieno genere, et ego in concilio illam defendere et uobis concedere non potuero, aut uos in uoce mea, cum quantum fuerit meliorata illam duplatam uobis componam et iudicatum. Facta karta XVII kalendas augusti, era M.C.LX.VII. Ego Tructesindus Menendiz illam propria manu roboro. Qui presentes fuerunt: Egeas, ts; Pelagius, ts; Suerius, ts. Petrus notuit.