Karta de Curueirus

In Dei nomine. Ego Menendo Pinioliz uobis Nuno Suariz et uxori uestre Eluire Nuniz ⁽¹⁾, facio kartulam uendicionis de hereditate mea propria quam comparaui de Tructesindo Froilaz pro V morabitinos in uilla iam dicta Curueirus. Do uobis VI de quanta ibi Froila Mogueiniz preter quantam dedit pro anima sua, subtus monte Kastro, discurrente riuulo Birlanes, territorio portugalensi, prope littus maris. Do illam uobis cum quantum in se obtinet et ad prestitum hominis est suis locis et terminis terminatam antiquis et nouis. Et accepi a uobis in precio V morabitinos et II quartarios; tantum mihi placuit et de precio aput uos nichil remansit. Habeatis illam et uos et omnis posteritas uestra ita ut ab hac die de dominio meo abrasa in uestro sit tradita et confirmata et omnis posteritas uestra tempore perpetuo. Si autem aliquis homo hanc kartam infringere quesierit et ego in concilio illam defendere et uobis concedere non potuero, aut uos in mea uoce, illam uobis cum quantum fuerit meliorata in duplum componam. Facta karta X kalendas [fol. 109v°] nouembrias, era M.C.L.VIIII. Ego Menendo Pinioliz illam manu mea roboro. Pro testibus: Gundisaluus, ts; Froila, ts; Sendinus, ts. Petrus notuit.