De Gueteandi

In Christi nomine. Hec est karta uendicionis quam ego Eiuua Aluariz et filii mei Petrus et alia dicta Gueteanda, Bona nomine, facimus uobis, canonicis Sancti Saluatoris Ecclesiole de hereditate quam habemus in uilla Gueteandi, subtus monte Quoto, discurrente flumine Camia, territorio portugalensi, in terra de Sancta Maria de ciuitate. Damus uobis quantam ibi habemus ab integro cum quantum in se obtinet et ad prestitum hominis est, ubi illam potueritis inuenire suis locis et terminis terminatam antiquis et nouis. Et accepimus pro illa a uobis precium, unum caballum ruzum cum freno et sella; tantum nobis placuit et pro dare nichil aput uos remansit. Habeatis illam firmiter et uos et omnes uestri successores et facite de illa quicquic uobis placuerit in perpetuum. Quod si contigerit, quod fieri minime credimus, quod nos aut nostri propinqui uel extranei hanc kartam infringere uelit, quantum auferre uoluerit ipsis canonicis in duplum componat cum quantum fuerit meliorata et domino terre aliud tantum. Facta karta nonas februarii, era M.C.LXX.IIII. Ego Eieuua cum iam prefatis filiis illam coram idoneis testibus manibus propriis roboramus. Qui presentes fuerunt: Petrus, ts; Menendus, ts; Didacus, ts. Pelagius notuit.