Plazum Petri Gutieriz et Sancietie Nuniz

Ego Petrus Gutieriz et uxor mea Sancia Nuniz ⁽¹⁾ et canonici Sancti Saluatoris de Ecclesiola facimus inter nos placitum legitimum de illa hereditate quam habemus uel deinceps habuerimus in uilla Palatiolo, illa uidelicet que fuit de Garcia Odoriz et sue mulieris Sancie Pelaiz, ut non habeamus licentiam uendendi aut commutandi nisi nos uobis aut e conuerso uos nobis equa et iusta conuenientia. Et ab hac die quantum in predicta uilla adquisierimus pretio aut ganantia, per medium habeamus et prefata conuentione demus pretium. Quod si nos prescripti Petrus et Sancia uoluerimus, non habeamus licentiam testandi nisi predicto monasterio Ecclesiole. Qui uero ex nobis istam conuenientiam implere noluerit et secus quam hoc in placito continetur fecerit, omne dampnum quod fecerit in duplum componat, et domino patrie aliud tantum. Facto placito mense iunii, era M^a.C^a.LXX^a.VIIII^a. Ego Petrus et uxor mea Sancia et nos canonici Ecclesiole illud scribere fecimus et coram idoneis testibus confirmamus et propriis manibus roboramus. Qui presentes fuerunt: Didacus, ts; Gunsaluus, ts; Menendus, ts. Petrus notuit.