Tarauquela

Hec est carta uenditionis et firmitudinis quam ego Iohannes Rudriguiz fatio uobis, canonicis Sancti Saluatoris Ecclesiole, de hereditate mea quam habeo in uilla Tarauquela, subtus monte Serpente, discurrente riuulo Fermuza, prope litus maris, territorio portugalensi. Do et concedo uobis medietatem integram de omni hereditate quam habuit ibi pater meus uel habere debuit, pro pretio quod de uobis accepi, uidelicet duos bracales; tantum mihi placuit et nichil a uobis pro dare remansit. Concedo ibi uobis meam et mei fratris integras portiones, uidelicet Aluiti, et medietatem totam de illa de sobrina mea. Habeatis illam uos et uestri successores in perpetuum et quicquid de illa uobis placuerit facere fatiatis. Quod si ego aut filius meus aut propinqus seu extraneus hanc cartam corrumpere uoluerit et ego auctorgare in concilio uel defendere noluero aut non potuero quomodo reddam uobis illam hereditatem cum suo melioratu duplatam, et domino terre aliud tantum. Facta carta uenditionis et firmitudinis pridie kalendas ianuarii, era M.^aC^a.LXXX^a.VII^a. Ego Iohannes Rooriguiz illam coram honestis testibus confirmo et propria manu roboro. Pro testibus: Menendus, ts; Pelagius, ts; Suarius, ts. Augustinus notuit.