De Tarauquela Karta

Hec est carta uendicionis et firmitudinis quam ego Petrus Godiniz et uxor mea Guntrode Randulfiz facimus uobis, canonicis Sancti Saluatoris Ecclesiole, de hereditate quam habemus in uilla Tarauquela subtus monte Grande, discurrente riuulo Fermuza, territorio portugalensi, prope lictus maris. Damus uobis in ipsa uilla medietatem integram de quanta ibi habemus tam auorum quam parentum nostrorum siue de adquisicione, ubicumque potuerit inueniri suis terminatam terminis antiquis et nouis. Habeatis uos illam firmiter ita ut ab ac die et tempore sit de iure nostro abrasa et in iure et dominio uestro tradita et confirmata, pro precio quod a uobis accepimus, uidelicet octo morabitinos, XII^m bracales et unum asinum; tantum nobis placuit et de precio apud uos pro dare nichil remansit. Si uero nos uel aliquis uenerit tam ex propinquis ⁽¹⁾ nostris quam extraneis, uel uenerimus, contra hanc kartam inrumpendam et nos in concilio defendere non potuerimus uel noluerimus aut uos in uoce nostra, quomodo reddamus uobis ipsam hereditatem duplatam cum suo melioratu et iudicatum. Facta karta uendicionis mense iunii, era M^a.C^a.LXXX^a.V^a. Ego Petrus Godiniz cum uxore mea Gontrode Randulfiz, qui hanc cartam uendicionis iussimus scribere, hec signa facientes propriis manibus roboramus. Pro testibus: Gunsaluus, ts; Pelagius, ts; Petrus, ts. Suerius notuit.