Karta de Sauariz iuxta Curnadelo

Ego Didacus Pelaiz uobis Suerio Fromariguiz et uxori uestre Eluire Nuniz facio kartam uendicionis de hereditate mea propria quam habeo in uilla Sauariz, de illa hereditate que fuit de domna Gontina, quartam integram. Et ipsa ⁽¹⁾ hereditas habet iacenciam iuxta Cornadelo, subtus monte Castro, discurrente riuulo Cerceto, territorio portugalensi. Damus uobis ipsa heredita — [fol. 45] — tem suis terminatam terminis nouis et antiquis, ubicumque potuerit inueniri, cum quantum in se obtinet et ad prestitum hominis ⁽²⁾ est, pro qua accepimus a uobis pretium X modios; tantum nobis placuit, et aput uos pro dare non remansit quicquam. Habeatis uos illam firmiter et omnis posteritas uestra iuri quieto temporibus seculorum, ita ut ab hac die et tempore sit de iure et dominio meo abrasa et in uestro dominio tradita et confirmata. Si uero aliquis ex meis propinquis uel de extraneis hanc cartam infringere temptauerit et ego in iuditio defendere uel uobis concedere noluero aut non potuero aut uos in uoce mea, secundum morem patrie componam uobis illam cum suo melioratu duplatam, et iudicatum. Facta carta XVI kal. febroarii, era M.C.XXX.VII. Ego Didacus Pelagiz illam manu mea confirmando roboro. Pro testibus: Aluitus, ts; Froila, ts; Ueremudus, ts. Pelagius notuit.