Karta de Billanes

In Dei nomine. Ego Tellus Sesnandiz uobis Suerio Fromariguiz, et uxori uestre Eluire Nuniz, fatio kartam uenditionis de hereditate mea propria quam habeo in uilla Billanes subtus Castro Petroso, discurrente riuulo Cerzedo, territorio portugalensi, sub illa strata prope littus maris, quantam ibi habeo ex parte mei patris totam suam portionem integram, suis terminatam terminis antiquis ac nouis, ubicumque potuerit inueniri, cum quantum in se obtinet et ad prestitum hominis est, pro qua accepimus a uobis unum scutum franciscum in pretio definito, X solidos et X cubitus de panno antemano; tantum nobis bene complacuit et mihi recipere et uobis dare, et aput uobis nichil remansit pro dare. Habeatis illam uos et omnis posteritas uestra iuri quieto temporibus seculorum. Si quis tamen aliquis uenerit, uel uenero, ad corrumpendum ⁽¹⁾ hanc kartam, seu de propinquis seu de extraneis, et ego in concilio deuendicare aut parti uestre concedere non potuero aut noluero, aut uos in uoce mea, quomodo conponam uobis ipsam hereditatem duplatam et quantum a uobis fuerit melioratum. Facta carta uenditionis VIII° kalendas martias, era M^a.C^a.XX^a.V^a. Ego Tellus Sesnandic uobis Suerio Fromariguic et uxori uestre Eluire Nunic hanc kartam manibus nostris roboramus. Pro testes: Aluitu, ts; Ramirus, ts; Odorio, ts; Ederonio, ts; Eirigo, ts. Pelagius notuit.