Karta de Nogeira

In Dei nomine. Ego Petrus Gunsalui cum filiis meis, uidelicet Adosinda et Iohanne et Pelagio et Maria et Gudina, facimus kartam uenditionis uobis, Pelagio Suariz et uxori uestre Bone Venegas, de hereditate nostra propria quam habemus in ipsa uilla Nocaria, subtus monte Auterelu, discurrente ipso arrugio Nugeira, territorio portugalensi, prope littus maris, in ciuitate Sancte Marie. Damus uobis in ipsa Nogeira de media octaua et de una de octaua, preter illas lareas quas dederunt pro anime sue remedio. Et uenit nobis in partem nostram de parte auorum et parentum nostrorum, pro qua accepimus a uobis in pretio septem modios; tantum nobis placuit, et aput uos nichil remansit in debitum. Habeatis illam uos firmiter et omnis posteritas uestra ⁽¹⁾ iuri quieto temporibus seculorum, ubicumque potuerit inueniri, cum quantum in se obtinet et ad prestitum hominis est, ita ut ab hac die et tempore de meo iure et dominio sit abrasa et in uestro tradita et confirmata. Facta carta uenditionis VIIII kalendas ianuarii, era M.C.LX. Ego Petrus Gunsalui et filii et filie mee illam manibus nostris roboramus. Pro testibus: Gudinus, ts; Suerius, ts; Gunsaluus, ts. Petrus notuit.