Karta de Nogeira

In Rei nomine. Ego Clementina Odoriz fatio cartam uenditionis uobis Pelagio Suariz et uestre uxori Bone Venegas, de hereditate mea quam habeo in uilla Nogeira, subtus monte Auturelo, discurrente ipso arrugio Nogeira, territorio ciuitatis Sancte Marie, prope littus maris ⁽¹⁾. Do uobis ipsam hereditatem, uidelicet duodecimam de octaua et de media de octaua, et uenit mihi ipsa hereditas de auis et parentibus meis in portionem. Do uobis illam cum quantum in se obtinet et ad prestitum hominis est, suis bene terminatam terminis et locis antiquis ac nouis ubicumque potuerit inueniri, pro qua accepi a uobis in pretio X^m modios; tantum placuit et nil aput uos pro dare remansit. Habeatis uos illam firmiter et omnis posteritas uestra iuri quieto temporibus seculorum. Si quis tamen uenerit, quod non credo posse fieri, tam de propinquis meis quam de extraneis qui [fol. 62v°] hanc cartam infringat et ego in concilio deuendicare et parti uestre concedere noluero aut non potuerunt aut uos in uoce mea, quod duplatam illam uobis reddam cum omni melioratu quod a uobis in ea inuento fuerite, et iudicatum. Facta carta VI° kalendas ianuarias, era M.C.LX^a. Ego Clementina illam manu mea robor + o. Pro testibus: Menendus, ts; Arias, ts; Suerius, ts. Petrus notuit.