Karta Gunsalui Mendiz

[fol. 64] In Christi nomine. Hec est carta uendicionis et firmitudinis quam ego Gunsaluus Menendiz facio canonicis Sancti Saluatoris de Eclesiola de hereditate uidelicet quam habeo in illo cauto Sancti Saluatoris subter illam stratam, discurrente riuulis Cercedo et Quitin, prope maris, territorio portugalensi. Do uobis prefatam hereditatem suis terminatam, scilicet quantum michi aduenit de matre mea et auorum meorum. Do uobis iam dictam hereditatem cum prestimoniis suis ubicumque eam inuenire potueritis. Habeatis uos illa firmiter et faciatis de ea quicquid uobis placuerit in perpetuum. Et accepi de uobis pretio uidelicet hereditatem in uilla Borontanes C^m modios apreciata, et C.V. in ganato; tantum mihi uobisque conplacuit. Si forte ego uel meis propinquis seu extraneis, quisquis sit, qui insurgere aduersus hanc scripturam conatus fuerit, quantum aufferre inde temptauerit cum quantum fuerit melioratum in duplum componat predictis canonicis, et domino patrie aliud tantum. Facta carta uendicionis pridie kalendas maii, era M.C.LXX^a.VIII^a. Ego iam supradictus Gunsaluus, qui hanc cartam scribere iussi, cum idoneis testibus confirmo et propria manu roboro. Qui presentes fuerunt: Menendus, ts; Gunsaluo, ts; Pelagius, ts. Petrus Pelaiz qui uidit ⁽¹⁾. Notuit Gunsaluus.