De Gudinu Guimiriz testamentum

In nomine Patris et Filii et Spiritus sancti, amen. Ego Gudinus Guimiriz, timens ne morte preocupatus ab hac uita intestatus discedam, fatio kartam testamenti canonice Sancti Saluatoris de Ecclesiola, de hereditate mea propria quam habeo in uilla Mazaneira, uidelicet: de hereditate aui mei Bertulfi, medietatem; et de hereditate Cidi Vemuiz tertiam; et de hereditate Gunsalui Sarraziniz et de Freuili in Sancto Iuliano siue in tota ipsa uilla, mediam tertiam ab integro; et de casal de domna Froio, tertiam minus octauam; de casal de Mido, octauam mediam et de octaua integra et media de quarta IIIam. Do et testo in ipsa uilla iam supranominata de prefatis hereditatibus, sextam integram cum omnibus prestimoniis suis per ubi illas potueritis inuenire, suis antiquis determinatas terminis. Et incipit terminus ab illa petra ubi dicunt Furca de Cidi Cauallu et inde uadit ad illud laurizal, deinde per illud exudrio et transit ipsum riuulum de Guandia, et pergit ad illas petras scillatas que sedent inter Monasteriolo ⁽¹⁾ et Sancto Iuliano, et uertit ad ilium supradictum riuulum et uadit per ilium sicut currit usque ad ilium terminum de casal de domna Froio et dimittit illum et uadit ad australem partem per ipsam petram grandem et concludit ipsum montem et casal de domna Froilo et diuidit cum uilla Sautu et peruenit ad illam presuriam aqua de [f. 26v] illo molino de Sauto et uadit ad illam petram que stat inter casal de Mido et Baldemar; deinde ad summum de ipso uallo quod diuidit Barrela de Mazaeira et uertit ad ipsum riuulum iamdictum ubi intrat in eo ipsa aqua de Caritoso et uadit per illum usque ad exitum aque et peruenit ad ipsos baculos qui sunt inter Trauanca et Mazaneira et inde uadit per uallum anticum et concludit Casal de Patre et Arenas et uenit ad ipsum riuulum de Palumbos et transit illum ab aquilone; deinde ad illa sedilia de molino uetero et pergit per ipsum regu usque ubi fuit presa aque et uadit per ipsum riuulum ad orientem et derelinquit illum et incipit per ipsum uallum grande quod est inter Freuili et Casal de Turre; deinde ad illud uallum quod est super fontem couum et peruenit usque ad illam petram de supradicta Furca de Cidi. Do et concedo prefatam hereditatem ipso prescripto monasterio pro remedio anime mee et parentum meorum ab hac die usque in perpetuum. Quod si forte, quod minime credo, ego aut mei filii seu propinqui uel extranei fuerit aliquis qui hoc factum meum in aliquo corrumpere uoluerit, quantum auferre temptauerit in duplum cum suo melioratu conponat et domino patrie aliud tantum; et quicumque fuerit, sit maledictus et excommunicatus et cum Iuda traditore in profundum inferni dimersus. Facta carta testamenti, era Mª.Cª.LXXXª. Ego Gudinus Guimiriz, qui illam scribere iussi, coram idoneis testibus confirmo et propria manu robor+o 2. Qui presentes fuerunt: Suerus, ts; Petrus, ts; Iohannes, ts. Erus notuit.