Karta de Cabanones

In nomine Patris et Filii et Spiritus sancti, amen. Quoniam nemini mortalium sui exitus horam scire est datum et nobis ab ipso Domino dictum est ut incesanter uigilemus quod nescimus horam quando Dominus uenturus sit, ideo ego Uniscu Menendiz, timens ne meus hinc exitus sit improbus, facio kartam testamenti ecclesie Sancti Saluatoris de Ecclesiola de mea hereditate quam habeo in uilla Cabanones, subtus mons Recarei, discurrente riuulo Ouar, territorio portugalensi. Do et concedo in uilla iam supradicta de hereditate quam ganaui cum filio meo Garsia Pelaiz medietate integra, ubicumque illam potueritis inuenire, et sexta de ipsa uinea de illo auteiro. Quod si forte ego aut ex filiis meis aliquis uel propinquis seu extraneis contra hanc cartam ad irrumpendum conatus fuerit, quantum auferre temptauerit cum suo melioratu in duplo componat; et qualiscumque persona fuerit, sit maledicta et excommunicata et in profundum inferni cum Iuda traditore demersa. Facta karta testamenti mense aprilis, era Mª.Cª.LXXXª.Iª. Ego Unisco, que hanc kartam scribere iussi, coram idoneis testibus confirmo et propriis manibus roboro. Qui presentes fuerunt: Didacus, ts; Gunsaluus, ts; [f. 28v] Menendus, ts. Iohannes notuit. Garsia et Monio, filii supradicte ⁽¹⁾ Unisco, confirmant.