Testamentum de Eldrizes

In nomine Patris et Filii et Spiritus sancti, amen. Quoniam in hac uita quasi peregrini et hospites sumus et nemini nostrorum ultimam sui exitus horam datum est prescire, ideo ego Unisco Arias, anticipare bonis operibus ineuitabilem mortem meam cupiens, fatio kartam testamenti uobis, priori dompno Tructesindo et ceteris canonicis Ecclesiole de hereditate mea propria quam habeo in uilla Hydrizes, uidelicet casal de Vermudo Ermegildiz et aliud casal de Eirola, et meam portionem quam habeo in illa ecclesia de Sancta Maria de Varzena cum suis terminis determinatas et de ilia ecclesia Sancti Iacobi de Matu meam rationem, et in illa alia uilla de Penso inferius medietatem integram, suis terminis determinatam. Et hoc fatio pro remissione peccatorum meorum et mei uiri Suarii Pelaiz et filii mei Gunsalui Suariz. Hec itaque hereditates ab hac die uobis concesse sint cum quantum in se prestatiuum continent in perpetuum. Et uos, in quantum iustitia et ratio postulauerit, me adiuuare et manutenere studeatis. Si uero ego uel alius aliquis propinquus meus uel extraneus hoc factum meum in aliquo corrumpere uel disturbare uoluerit, quantum auferre temptauerit in duplo componat, et domino [f. 31v] terre aliud tantum; et qualiscumque persona fuerit, nisi congrue emendauerit, sit maledictus et excommunicatus et cum Iuda traditore a Dei regno eiectus et in profundum inferni dimersus. Facta carta testamenti VIIº idus septembris, era Mª.Cª.LXXXª.VIII. Ego Uniscu Arias, que illam scribere iussi, coram idoneis testibus propria manu roboro atque confirmo. Petrus, ts; Didacus, ts; Gunsaluus, ts. Martinus notuit.