Plazum Suerii Petrarii

Ego Suerus Petrarius et uxor mea Ermesinda plazum facimus uobis canonicis Sancti Saluatoris de Ecclesiola, pro parte de illa hereditate quam mihi uendidistis in uilla Morrocesses, ut non uendamus nec testemus neque transmutemus ulli homini seculari neque alicui persone. Si uero uendere concupierimus, donare uel testare aut contramutare, nulli alicui liceat nisi Ecclesiole senioribus, iusto pro pretio aut equa commutatione. Quod si uos predictis canonicis uel successoribus illorum de illa hereditate aliquod tributum uolueritis accipere, pro annuali [f. 33v] censu unum bracalem inde uobis reddant illi qui post obitum meum illam hereditatem possederint. Et ego iamdicto Suerio opera monasterii nullatenus deseram, in quantum mihi rationem dederint qualem hodie habeo uel meliorem, et unum quoque mense unum morabitinum accipiam. Si aliter fecerimus et isto plazo non obedientes fuerimus, quantum non impleuerimus in duplum componamus et iudicatum. Facto plazo mense octubro, era Mª.Cª.LXXXª.IIª. Ego supranominatus Suarius et Ermesinda, uxor mea, hoc plazum confirmamus et propriis manibus roboramus. Qui presentes fuerunt: Petrus, ts; Menendus, ts; Pelagius, ts. Didacus notuit.