Plazum

Ego Martinus Pelaiz, spontanea et libera uoluntate mea, fatio placitum uobis canonicis Sancti Saluatoris Ecclesiole ⁽¹⁾ ut corpus meum in uestro monasterio sepeliam; et de omni mea re quam ad diem mei exitus habuero testo et concedo ab integro, si sine semine legitimo mortuus fuero; et si unum filium habuero, medietatem mando; si uero duos, tertiam partem; si autem tres, quartam; si uero quatuor uel amplius fuerint, quintam partem; pro remedio anime mee et ut uos canonici et uestri heredes qui uobis obedierint adiuuent et defendant nos secundum suum posse congruo adiuuanime. Si forte ego aut aliquis ex propinquis meis seu extraneis aduersus hoc placitum ad irrumpendum uenerit uel uenero, quantum auferre temptauerit in duplum componat, et iudicatum; et insuper excommunicatus et maledictus sit, nisi se emendauerit. Facto plazito maii mense, era Mª.Cª.LX^Lª.IIª. Ego Martinus Pelaiz, qui illud scribere iussi, coram idoneis testibus confirmo et propria manu roboro. Qui presentes fuerunt: Menendus, ts; Suerius, ts; Pelagius, ts. Martinus notuit.