Placitum de Menendo Gunsaluiz

Ego Menendus Gunsaluiz uobis Nuno Suariz et uestre mulieri domne Eluire Gumez facio placitum de mea hereditate quam habeo in uilla Curueiros, subtus monte Castro Petroso, discurrente riuulo Cerzedo, territorio portugalensi, intra terminos ciuitatis Sancte Marie. Do uobis medietatem de mea hereditate de omni ipsa quam ibi habeo ex parte auorum et parentum meorum uel de ganantia; et ipsa alia media quam uobiscum habeo, et habeam et filii et nepotes mei similiter cum uestris filiis et nepotibus habeant. Et ego nec uendam nec donem alicui parti nisi aut uobis aut uestre progeniei; et uos et omnis progenies uestra semper fatiat mihi et mee progeniei bene, et nos uobis seruitium bonum et honestum semper faciamus quantum nobis placuerit. Ita ut ex hodie die et tempore sit ipsa hereditas, uidelicet ipsa media de mea hereditate, ab potestatis mee iure abrasa et dominio uestro tradita adque confirmata. Habeatis illam firmiter uos et omnis uestra posteritas et facite de illa quodcumque uolueritis. Si uero aliquis homo uenerit uel ego uenero uel ex meis propinquis seu extraneis qui hoc meum placitum et firmamentum infringere quesierit et ego in concilio defendere et autorgare noluero et negleserim, in duplo uobis aut uocem uestram pulsanti coactus omne dampnum componere profiteor me uel meum bonum quicumque habuerit, et iudicatum. Facto placito firmitudinis noto die, era Mª.Cª.LXª.Iª. Ego Menendus Gunsaluiz uobis Nunu Suariz et uxori uestre Eluire Gomez in hoc meum placitum manum meam roboro et illud confirmo. Pro testibus: Gudinus, ts; Egeas, ts; Iohannes, ts. Petrus notuit.