Plazum de Palatiolo

Ego Aurodona Tructesindiz una cum uiro meo Petro Pelaiz placitum facimus uobis canonicis Sancti Saluatoris de Ecclesiola de illa nostra hereditate quam habemus uel habituri sumus in uilla de Palaciolo, tam de parentela quam de gaantia, ut amplius et deinceps non sit nobis licentiam uendendi aut donandi ⁽¹⁾ uel testandi alicui nisi uobis et uestro [f. 39r] monasterio. Quando autem ⁽²⁾ consumationis nostre dies aduenerit, quintam integram ipsius hereditatis ipso monasterio concedimus. Et ego Aurudona prefata ibi, uidelicet in uestro monasterio, corpus meum sepelire mando quatinus uos non solum mihi sed et omni semini meo congruum adiutorium secundum eclesiasticam consuetudinem fatiatis, si necesse fuerit, et omnes heredes uestri qui uobis obedierint in adiutorium nostrum semper sint. Quod si predictam hereditatem in qualibet parte uobiscum commutauerimus, mutuationem illam que inde nobis aduenerit, simili pacto firmamus. Si uero nos uel aliquis ex nostris propinquis siue extraneis contra hoc factum nostrum insurgere uoluerit aut in aliquo conturbauerit, quantum auferre quesierit tantum ipsis canonicis in duplo componat, et domino terre aliud tantum. Facto placito VIIIº idus iunii, era Mª.Cª.LXXª.VIIIª. Ego Aurudona et uir meus, Petrus Pelaiz, hoc placitum roboramus. Pro testibus: Petrus, ts; Suerius, ts; Gunsaluus, ts. Menendus notuit.