Plazum

Ego Saluador Suariz et uxor mea Matredona Suariz et cognati mei, Sueirus Suariz et Pelagius Suariz, uobis canonicis Ecclesiole, facimus placitum firmitudinis super testamentum quod uobis et monasterio uestro fecimus et roborauimus manibus nostris, scilicet ut corpora nostra ibi sepeliantur et illa testamenta nulla leuitate uel alicuius maioris minorisue utilitatis intuitu unquam a nobis frangantur nec conturbentur nec minuantur. Et insuper ad presens damus uobis omne quod in ecclesia Sancte Marie de Varzina uel in alia ecclesia Sancti Iacobi de Matu iure hereditario habemus uel habere debemus. Si uero aliquis ex nobis hec que prescripsimus ⁽¹⁾ in alimutare uel conturbare presumpserit, quicquid de nostris testamentis siue de placito mutare uel alienare uoluerit, uobis canonicis in duplo componat, et domino terre aliud tantum et C solidos uel modios exsoluere cogatur. Facto placito noto tempore quod erat era Mª.Cª.LXXXª.VIIIª. Nos superius nominati, qui illud scribere iussimus, coram idoneis testibus robo++++++amus. Gudinus, ts; Dauid, ts; Gunsaluus, ts. Menendus notuit.