Plazum

Ego Pelagius Tructesindiz facio placitum firmitudinis uobis canonicis ⁽¹⁾ Sancti Saluatoris Ecclesiole, de hereditate que fuit de Aurudona Suariz, et dedit mihi illam Nunus Gunsaluiz pro altera mea hereditate quam ego ganaui in uilla Sanganedo de germano suo Menendo Leuer, auctorizante matre illorum Aurudona, tali pacto ut ego Pelagius non habeam licentiam uendendi illam hereditatem de Draguncelli nec donandi [f. 40r] neque testandi nec cambiandi nisi uobis canonicis et uestro monasterio, iusto pretio et equa commutatione. Et si ego necessitatem habuero uendendi, ab illo die qua illos inquietauerim usque ad unum annum compleant me de meo pretio. Et si ego aliter et istud placitum non implere curauero, reddere ipsam hereditatem duplatam coactus me profiteor et iudico. Facto placito mense decembrio ⁽²⁾, era Mª.Cª.LXXXª.VIIIIª. Ego supradictus Pelagius, qui hoc placitum scribere iussi, coram idoneis testibus confirmo et propria manu roboro. Qui presentes fuerunt: Suerius, ts; Menendus, ts; Tructesindus, ts. Didacus notuit.