Plazum

Ego Petrus Menendiz et uxor mea Ermesinda Fernandiz, spontanea nostra uoluntate, facimus placitum uobis canonici Sancti Saluatoris Ecclesiole, super testamentum quod fecimus ad uestrum monasterium pro remedio animarum nostrarum, ut nulla cogente necessitate nos commutemus neque minuamus illud neque corrumpamus sed nec nostra progenies; set, omni deuotione seruata, quod ibi promisimus semper adtendamus. Corpora quoque nostra in hoc loco Sancti Saluatoris sepeliri iubemus. Vos uero, canonici, et heredes ipsius loci qui uobis consenserint, iuste et oportune in nostra defensione secundum posse uestrum paratos semper inueniamus, ut non tantum nobis uerum etiam et nostris filiis congruum adiutorium fatiatis et non solum nobis sed et filiis nostris. Quod si nos uel aliquis de ex nostris filiis siue propinquis seu extraneis contra hoc factum nostrum etiam insurgere ⁽¹⁾ uoluerit, quicumque fuerit, sit maledictus et excommunicatus et a sanctorum consortio separatus nisi se emendauerit, et insuper omne dampnum in duplum uobis canonicis coactus componat, et domino terre aliud tantum et iudicatum. Facto placito mense octobrio, era Mª.Cª.LX^Lª.Vª Ego Petro Menendiz et uxor mea Ermesinda Fernandiz illud propriis manibus roboramus. Pro testibus: Suerius, ts; Petrus, ts; Tructesindus, ts; Gunsaluus, ts. Gudinus notuit.