Plazum de Gudino Gutierriz

Ego Gudinus Gutierriz mea propria uoluntate uobis, canonicis Sancti Saluatoris, facio placitum super illud testamentum quod feci uobis et uestro monasterio de meis hereditatibus siue facultatibus, ut non commutem neque minuem nec corrumpam aliquo ingenio sed semper ⁽¹⁾ obserbem. Et uos iamdicti canonici cum heredibus uestris, illius scilicet monasterii, congruam defensionem et competens adiutorium mihi fatiatis. Et ego Gundinus corpus meum ibi sepelire commando, si fieri potuerit. Quod si ego uel alius aliquis ex mea progenie seu ex extranea hoc placitum exsierit, cuiuscumque persona fuerit, maledicta et excommunicata sit et cum Iuda traditore dampnatus, et quantum auferre temptauerit ipsis canonicis in duplo componat ⁽²⁾ et insuper triginta solidos et iudicatum. Facto placito mense ianuario, era M.C.LX^L. Ego Gudinus, qui hunc placitum scribere iussi, coram idoneis testibus confirmo et propria manu roboro. Qui presentes fuerunt: Gunsaluus, ts; Menendus, ts; Martinus, ts; Gudinus, ts.