Plazum hospital

Ego Pelagius Froilaz, seruus pauperum hospitalis Iherusalem, una cum consensu meorum sotiorum et fratrum, placitum seu diffinitionem facimus uobis, canonicis Ecclesiole, uestroque priori, dompno Tructesindo, de illa aqua quam frater noster Fruila Gunsaluiz, pro remedio anime sue, uestro monasterio dedit ad irrigationem, scilicet illius uille uestre que dicitur Sala, ut habeatis uos in illa uilla sextam partem integram, ita uidelicet diuisam ut de sex diebus unum cum sua nocte seruetis et prout placuerit in utilitate uestra liberum habeatis. Nos uero hanc aquam deinceps non minuamus nec disturbemus ulla ocasione aut contradictione seu contione sed semper, ut sonat, sit uobis libera im perpetuum. Vos uero, nulla cupiditate uel necessitate commoti, aliquid ultra de ista aqua nisi per nostram licentiam et spontaneam uoluntatem adquiratis. Quod si quisquam ex nostra uel uestra parte hoc placitum et difinicionem negligens infringere uoluerit et hanc legem contempserit et tercio commonitus incorrigibilis perstiterit, L modios parti quam inquietauit cogatur exsoluere et aqua suo limite lege prescripta sinatur confluere. Facta series placiti tempore noto quod erat era Mª.Cª.LXXª.VIIIª. Ego Pelagius Froilaz cum fratribus et sociis meis hoc scriptum placitum roboro atque confirmo [f. 41v]. Qui presentes fuerunt: Petrus, ts; Gunsaluus, ts; Suarius, ts. Dauid notuit.