Karta et Testamentum de Saluador Suariz

In nomine Patris et Filii et Spiritus sancti, amen. Ego, famulus Dei, Saluator Suariz placuit mihi per bona pacis et uoluntas, pro timore Domini et diem obitus mei ut facerem textum scripture firmitatis de mea hereditate quam habeo simul in omni parte, si dies ⁽¹⁾ mei obitus me absque semine ligitimo preocupauerit, ipsi monas¬terio uidelicet Sancti Saluatoris de Ecclesiola; et ipsa mater, me mortuo, ipsa post me si uixerit, uita comite habeat medietatem mee hereditatis usque in diem obitus sui; ipsa uero mortua, hereditas omnis mea reddatur ad monasterium integra, et habeant et possideant illam ipsi canonici ibidem Domino [f. 13r] omnipotenti et Domino Ihesu Christo et Spiritui sancto ab utroque procedenti seruientes. Ita concedo hec omnia suprascripta ut post diem obitus mei sit ipsa hereditas mea de iure meo abrasa et in iure et dominio sancti Saluatoris de Ecclesiola tradita et confirmata, pro remedio anime mee parentumque meorum, iuri quieto temporibus seculorum. Si quis tamen, quod fieri non credimus, aliquis homo uenerit de meis propinquis uel germanis seu extraneis qui hunc factum meum infringere uel inrumpere quesierit, in primis sit excommunicatus et a corpore Domini nostri Ihesu Christi separatus et cum Iuda tra-ditore habeat participationem in eternam dampnationem; et insuper pariat ipsam hereditatem duplatam et melioratum ipsis canonicis ⁽²⁾ et regie potestati aliud tannin et iudicatum, et insuper D solidos pure monete. Factum testamentum notum diem uidelicet VI idus aprilis. Ego Saluator Suariz, qui illud scribere iussi, manu propria roboro et confirmo. Pro testes: Froila, ts; Gunsaluus, ts; Egeas, ts; Petrus notuit.