Karta de plurimis hereditatibus quas habet monasterium ex parte domni Cresconii episcopi Colinbriensis

In nomine Domini Nostri Ihesu Christi in honorem sanctorum apostolorum Petri et Pauli quorum baselica fundata est in Arauca inter duos montes Fuste et Serra Sicca discurrente ribulo Alarda in uilla que uocitant Sancto Petro. Ego famulo Dei Cresconius Colinbriensis sedis episcopus placuit mihi ut aliquod munus de propriis rebus meis altari uestro concederem ita et dono hereditate mea propria que habeo in
Arauca ad locum supradictum monasterio Sancti Petri et tibi Gudinus prior et fratribus qui ibi Deo seruierint, ut pro me et pro anime Gauino Froilaz Deo memores sint semper. Et habeo ego ipsa hereditate de parte de ipso Gauino Froilaz, qui dedit mihi ea ad o- [f. 4v//b] -bitum suum per scriptura firmitatis et coram idoneis testibus in loco supradicto monasterio Sancti Petri Arauce ubi corpus eius sepultus est. Omnis hereditas illius et rebus, in potestate et arbitrio meo ad obitum suum dedit. Et ego ex propria mea uoluntate pro remedio anime mee et de ipse domno Gauino fatio testamentum ad Sancti Petri, de omni hereditate que ipse domno Gauino habuit in Arauca, inter Durio et Fuste monte, inter ribulo Pauia et uilla Flaui. In uilla Trepezo, in uilla Ribulo. In uilla de Fuste, et in uilla Froilanis, et in uilla Gondemari, et in Sancto Stephano de ribulo Mollides, et in uilla Canellas, et in Sancto Martino de Spelunca, et in Sancta Cruce de Aluarenga. Omnia hereditate que in ipsas uillas domno Gauino habuit uel in ipsas ecclesias possedit, ad integrum ad monasterium supradictum Sancti Petri Arauce concedo, et omnibus rebus quicquid in ipsas hereditates fratribus de ipso monasterio inuenerint, exceptis si in uita mea aliquid de fructu uillarum panem et uinum uoluerim expendere, per manus fratrum accipiam, ad obitum quoque meum, ad omnia que dixi, ad integrum cum omnibus suis rebus et ad prestationibus per dignum testamentum ad ipsum supradictum monasterium et fratribus ibi habitantibus concedo, ut ibi pro remedio anime mee, et ipsius domno Gauino, sit per omnia sieruendum, alia autem hereditate que de ipso domno Gauino fuit, et mihi relinquit qui iacet in Aluarenga et inter Durio et Tamica, fatio inde testamentum firmissimum ad monasterium Sancti Iohannis qui est fundatum [f. 5//a] inter Durio et Tamica pro remedio animarum nostrarum. Quod et adiuratione confirmo per Indiuiduam Trinitatem, ut contra hunc factum et uotum meum ad inrumpendum uenturus non ero. Quod si aliquis homo de propinquis uel de extraneis de qualibet persona uenerit, maior uel minor, qui hunc testamentum inrumpere temptauerit, in primis sit excomunicatus a caro et sanguis Deum nostri Ihesu Christi et cum Iuda traditore lugeat penas in eterna dampnatione et insuper dampna secularia quantum de isto testamento usurpauerit, tantum ad partem monasterio dicto pariat duplatum et triplatum, et duo auri talenta, et ad partem regis uel comes qui terra illa imperauerit alio tantum exsoluat, et iudicatum, et testamentum istum firmam semper obtineat roborem. Facta series testamenti IIII Idus Augusti Era Mª.C.XXXII. Regnante rex Adefonsus in Toleto, in Colinbria comes Raimundus, genero regi Adefonso. Ipse domnus Cresconius episcopus in sedis Colinbrie. Mandante Arauca Martino Moniz, et iudex Iusto Dominquiz. Ego Cresconius episcopus in hoc testamento quod fieri iussi, uerbis confirmaui, manu robo+[ra]ui. Qui preses fuerunt: Iustus iudex confirmo. Sandinus presbiter confirmo. Arias presbiter confirmo. Petrus presbiter confirmo. Oneca Ermigiz confirmo. Trudilo Froilaz confirmo. Monio Veniegas confirmo. Iohannes prolis Arias confirmo. Gondesindus monacus confirmo. Fredenandus presbiter confirmo. Pro testes: Froila testis, Gondisaluus testis, Arias testis, (Sinal) Godinus presbiter scripsit.