Karta de hereditate in Moldes in termino de Arauca

In nomine Domini Nostri Ihesu Christi. In honorem Sancte Marie semper uirginis et sanctorum apostolorum Petri et Pauli quorum baselica fundata est in territorio Arauca inter monte Fuste et Serra Sicca discurente ribulo Alarda in uilla que uocitant [f. 8//b] Sancto Petro. Ego famula Dei Nunillo placuit mihi ex propria mea uoluntate ut pro remedio anime mee de paupertate mea aliquantum munus donarem, ita et concedo altari Sancti Petri et fratribus qui ibi sunt uel fuerint et in uita sancta perseuerauerint hereditate mea propria que euenit mihi de parte de mater mea nomine Argilo que comparauit in suo pretio et iacet ipsa hereditate in uilla Ribulo Mollides in loco que uocitant ad Pelago Nigro ipsa uarzena integra, que est trans ribulo Mollides cum sua leuata que exiit de ribulo Mollides et sessica de illo meo molino integra, ipso molino cum sua leuata et ipsa uarzena integra que est inter ribulo Mollides et ipso rego que uenit ad illo mollino, ut dixi, ad integro concedo et testo ad monasterio Sancti Petri et sacerdotibus et fratribus et monacis qui ibi deseruierint et ibi semper pro remedio anime mea deseruiat. Quod et adiuratione confirmo per Indiuiduam Trinitatem ut contra hunc meum actum ad inrumpendum uentura non ero, quod, si aliquis homo ex propinquis meis uel de extraneis, quisquis ille fuerit, qui contra hunc testamentum ad inrumpendum uenerit, in primis sit excomunicatus ab ecclesia sancta et corpus et sanguis Domini Nostri Ihesu Christi separatus et cum Iuda traditore lugeat penis in eterna dampnatione et insuper dampna secularia quantum de isto testamento usurpauerit pariat duplatum et triplatum et quadruplatum ad partem ipso monasterio superius dicto et ad iudices uel illa terra imperauerit alio [f. 8v//a] tantum similiter componat et duo auri talenta exsoluat et testamento isto firmam obtineat roborem. Facta cartula testamenti IIII Idus Nouembris Era Mª.CV. Nunillo in hunc series testamenti mea ro+[bora]bi. Qui preses fuerunt. Pro testes: Leoderigus testis, Quidins testis, Didagus testis, Pelagius presbiter notuit.