-

[f. 2r] In Dei nomine. Ego Petrus Nunici et uxor mea domina Guncina una cum filiis meis uobis abbati F[ernando] Fenalis et omnibus fratribus tam presentibus quam futuris facimus cartam de hereditate nostra propria quam habemus in loco qui uocatur Feruentias de Oria, sessum scilicet molendini quantum ad nos ibi pertinet. Damus et concedimus uobis pro remedio animarum nostrarum ac parentum nostrorum et, ut participes simus bonorum uestrorum, habeatis igitur et possideatis ea iure perpetuo. Quod si aliquis uenerit uel uen[er]imus tam ex nostris quam de extraneis qui hunc factum nostrum irrumpere temptet, sit maledictus et excomunicatus et cum Iuda traditore in inferno damnatus et insuper domino terre D^os solidos cogatur exsoluere. Facta carta sub era M^a CC^a XX^a III^a, mense nouembris, regnante rege Alfonso Potugal(ie), episcopus Beltranus possidente Tude, in Ualadares princeps Pelagius Suariz (a). Nos supradicti, qui hanc cartam iussimus facere, coram testibus propriis manibus roboramus accipientes pro robore unum ariete +.
Qui presentes fuerunt: Menedus testis, Iohannes testis, Petrus testis, Pelagius qui notuit.