De Rial

[f. 2r] In nomine sancte et indiuidue Trinitatis. Eapropter ego Onega Menendi uobis abbas Petrus et omni conuentu fratrum de Sancta Maria de Fenales facio kartulam donationis de hereditate mea propria quam habeo ex parte patrimonium meum et habet iacentia in uilla que uocitant Rial et est unum kasalem integrum cum suis locis et terminis antiquis per ubi eum potueritis inuenire. Do uobis eum pro remedium anime mee et parentum meorum et in omnibus diebus uite mee dent mihi de Fenales II^os morabitinos et post obitum meum sedeat illam hereditatem liberam et quietam de Sancta Marie de Fenales, et accipio de Fenales in roboratione uno porco ita ut de hodie die sedeat illa hereditate de iuri meo abrasa et in dominio Fenales tradita et confirmata in temporibus seculorum. Et si aliquis homo uenerit de filiis aut de parentibus meis qui hanc hereditatem infringere temptauerit, sedeat maledictus ex parte Dei omnipotentis et mea et excomunicatus et cum Datan et Abiron, quos terra uiuos obsorbuit, in inferno dampnatus et illam hereditatem duplatam uel triplatam pectet et domino terre D^os solidos persoluat et calumnia eius cassa p[er]maneat. Facta karta donationis sub era M^a CC^a XX^a IIII^a et quotum IIII° kalendas ianuarii, regnante rege domino Sancio, tenente Ualadares Pelagius Suerii, episcopus Tude domnus Beltranus. Ego Onega Menendi uobis abbas Petrus et omni conuentu fratrum de Fenales in hac k(artula) donationis manu propria roboro et confirmo.
Qui presentes fuerunt: Petrus testis, Iohannes testis, Pelagius testis, Laurentius qui notuit (signum).