De Doma

[f. 5v] Antiquorum patrum acta a memoria laberentur nisi scriptis ad posterorum notitiam traderentur. Iccirco ego Fernandus Tedonci scribere facio quomodo adquisiui illam hereditatem de Doma ut si quis post mortem meam uenerit qui eam calumniet, habeatur manifestam ueritatem. In primis illa hereditas fuit Tedon Suariz et habuit eam de particione matris sue sine calumnia et comparauit eam Petrus Lazariz de eo et ha|buit [f. 6r] eam per cartam sine ulla calumnia et deinde comparauit eam de eo Aluarus Muniz et habuit sine una callumnia et de Aluaro Muniz comparauit Pelagius Ribeira et habuit eam sine ulla callumnia. Pelagius Ribera conuertit se ad ordinem Tudensis et dedit eam et contestatus est eam secum ibi sine ulla calumnia. Et fuerunt inter hec anni fere Lª, uel amplius, et fuit semper sine omni calumnia. Post hec comparauit eam Fernandus Tedoniz de prior Pelagio Cidiz, una cum conuentu de sede Tudensis, in mulo uno preciatus LXXª modios et conuertit se Fernandus Tedoniz ad ordinem in Sancta Maria de Fenalibus et contestatus est eam ibi secum ad honorem Dei. Unde scire conuenit quod nullus homo, nec uir nec mulier, debeat eam calumniare nec querere recta ratione, sed esse debet Sancte Marie de Fenalibus semper. Si aliquis homo uenerit, quod non credo, [tam] de genero meo quam de alieno, qui hoc testamentum et scriptum meum infringere quesierit, sit maledictus et excomunicatus et cum Iuda traditore damnatus et insuper regi uoci pariet M^e solidos. Facta carta testamenti sub era Mª Cª Lª XXXª, quodum II^e idus decembris, in tempore rex Alfonsus et de manu eius in Ualadares Alfonsus Pelaiz, in sede Tude episcopus Pelagius, archidiaconus Nunu Mudelus. Abbas Iohannes una cum suo conuentu conf(irmat). Midus testis, Nunus testi, Iohannes testis.
Martinus qui notuit (signum)