De Ferreira

[f. 6r] In Dei nomine. Ego Argio Moniz a uobis abbati Petri de Fenalis et tuo conuentui facio kartam de hereditate mea cum filiis et filiabus meis et habet iacentia in loco predicto ubi dicent Ferreira, subtus montis de Cecos, dicurrentis aquas Minei. Do uobis pro precio, que de uobis accepimus, XXª solidos et pro sua robora VI denarios. Habeatis uos ipsa hereditate propria et omnis posteritas uestra firmiter et faciatis de ea quicquid placuerit in perpetuum. Sed si forte aliquis homo uenerit uel uenerimus, tam de nostris propinquis quam de extraneis, qui hunc factum nostrum irrumpere uoluerit, sit maledictus et excomunicatus et cum Iuda traditore in inferno damnatus et de parte rege, uel qui uocem suam pulsauerit, pectet quingentos solidos. Facta karta III° idus februarii, era Mª CCª XXXª IIIª, regnante in Portugal(ie) regem Sancii, episcopus Tudensis Petrus, domino terre Pelagio Suariz. Ego Argio Moniz una cum filiis et filiabus meis in hac karta manus nostras roboramus. Petrus testis, Iohanne testis, Pelagius testis.
Iohannes qui notuit.