De Mereli

[f. 6v] In nomine sancte et indiuidue Trinitatis. Iccirco ego Urraca Petri, ona de Ramiranes, una cum iermano meo Arias Pelagii (a) uobis abbas Iohannes de Fenales et conuentui uestro facio kartulam uenditionis de sexta de Mereli cum suas pescarias et cum suis locis et terminis antiquis per ubi eam potueritis inuenire. Do uobis eam pro remedium anime mee et de mea matre et pro uno equo in precio et alio equo in roboratione, tantum mihi et uobis bene complacuit, ita ut de hodie sit illa hereditas de iure meo abrasa et in uestro dominio tradita et confirmata in secula seculorum. Et si aliquis homo uenerit qui hanc hereditatem infringere temptauerit, sit maledictus et excommunicatus dominoque terre D^os solidos persoluat. Facta karta uenditionis siue donationis sub era Mª (b) CCª XVIIIª, mense aprilis, regnante rege domino Alfonso, dominante in Ualadares Suerio Arias, episcopus Tude domno Beltrano, archidiacono Garsie Nuniz. Ego Urraca Petri et iermano meo Arias Pelaiz uobis Iohanne abbas et conuentu de Fenales in hac kartula manus proprias roboramus. Qui presentes fuerunt: Petrus testis, Iohanes testis, Pelagius testis, Petrus qui notuit (signum).