Campo de Gundufi

[f. 7v] (Christus). In Dei nomine. Ego Guilelmus Nunici presbiter uobis abbati Iohanni Sancte Marie Fenalis conuentuique uestro facio cartam testamenti ad obitum meum de hereditate mea propria quam habui de patre meo et habet iacentia in Campo de Gundulfo, subtus monte de Aquilaria ad Cegus, decurrente ad fontem de Donas usque ad riuum Minei. Do uobis et concedo (a) mediam ipsius hereditatis prout eam inuenire potueritis pro remedio anime mee ac parentum meorum; mediam uero relinquo Urrace Midici, seruienti mee, ac filie sue ut uobis eum ea seruiat in uita sua; et si filia ipsius habuerit filium, similiter seruiat uobis cum ea ac postea dimittat liberam hereditatem monasterio. Et habemus super ipsam hereditatem mediam III morabitinos et medium. Habeatis uos ipsam hereditatem iugiter imperpetuum. Et si aliquis uenerit, tam ex propinquis quam de extraneis, qui hunc pactum nostrum irrumpere temptet, sit maledictus et excommunicatus et cum Iuda traditore in inferno damnatus, insuper et domino terre hereditatem ipsam duplatam uel triplatam, quomodo eam inuenerit melioratam, reddere cogatur. Facta carta in era Mª CCª XVIª et quotum III° nonas decembris, regnante rege Alfonso in Portugale, episcopus Beltranus in sede Tudensi, archidiaconus Garsias, Suarias Arias in Ualadares. Ego supradictus, qui hoc scriptum iussi facere, coram testibus propriis manibus roboro.
Qui presentes fuerunt: Nunu Didaci testis, Garsias Nuni testis, Iohannes Nunici testis, Pelagius qui notuit (signum).