De Cecus

[f. 7v] In Dei nomine. Ego Adefonsus Pelaiz una cum uxore mea Orracha Diaz tibi Petro Nuniz una cum Fernando Tedoniz facio cartam | [f. 8r] uenditionis de hereditate mea propria que habeo in monte que uocitant Cecos, predicto loco super uerea que departiu cum filios de Monio Nuniz et in alio loco departe cum Uillemus Petriz et in alio loco cum Nunu Monteiro et in alio cum Nunu Boucone, cum suo ressio usque in uerea. Do eam uobis pro precio uidelicet XV^m solidos q(uos) mihi dedisti in denarios et bragales et una pelle cordeira, que mihi bene mihi complacuit, et de precio nichil remansit. Obinde ego ipsa hereditate do uobis per ubi eam potueritis inuenire cum quantum adprestitum hominis est in temporibus seculorum et est ipsa hereditate subtus mons Aquileira, in termino de Ualadares, discurrente riuulo Minei. Et si aliquem homo uenerit, tam de parte mea quam de extraneis qui hunc factum nostrum irrumpere uoluerit, pariat ipsa hereditate duplata uel triplata et pectet in coctu D^os solidos ad dominum terre et hunc factum nostrum semper sit firmum usque in sempiternum. Facta carta uenditionis sub die quod erit X°VI° kalendas maii, era Mª CCª VIIII, in temporibus illis regnante in Portugal rex Alfonsus, in Ualadares Sueri Arias, in sede Tude episcopus Beltranus, archidiaconus Garsia Nuniz. Qui presentes fuerunt pro testibus: Petrus testi, Iohannes testis, Pelagius testis. Ego Adefonsus et uxor mea Orracha Diaz tibi Petro Nuniz et Fernando Tedonis in hac karta manuas nostras proprias roboramus et pro robora dedisti nobis unam cenam bonam et obtimam cum uxore mea et filiis et cum tota mea creatione.
Fernandus qui notuit (signum).