De campo de Gundufo

[f. 8v] In Dei nomine. Ego Urracha Midiz una cum filia mea Peironela uobis abbas Fernandus Sancte Marie de Fenalis et conuentui uestro facimus cartam testamenti de hereditate nostra propria quam habuimus de Guilemus Nunici et habet iacentia in campo de Gundufo, subtus monte de Aquileira ad Cegus, decurrente ad fontem de Donas usque as riuum Minii. Damus et concedimus mediam de ipsius hereditatis, prout eam inuenire potueritis, pro remedium anime ***** ac parentum nostrorum et accepimus de uobis pro robora V solidos in denarios et unum agnum et una abobera de uino. Habeatis ipsam hereditatem iugiter in perpetuum. Et si aliquis uenerit, tam de propinquis quam de extraneis, qui hoc pactum nostrum irrumpere temptet, sit maledictus et excommunicatus et cum Iuda traditore in inferno damnatus, insuper et domino terre hereditatem ipsam duplatam uel triplatam, quomodo eam inuenerit melioratam, reddere cogatur. Facta carta in era Mª CCª XXª Iª, regnante rege Alfonso in Portugal(e), episcopus Beltranus in sede Tude, archidiaconus Garsias, Suarius Arias in Ualadaris. Ego Urrace Midici una cum filia mea Peironela istam cartam iussimus facere, coram testibus propriis manibus roboramus.
Pro testibus: Nunus Didaci testis, Garsias testis, Iohannes Nunici testis.
Pelagius qui notuit (signum)