De Lamosinis

[f. 9r] In Christi nomine. Era Mª CCª LXª IXª. Notum sit omnibus tam presentibus quam futuris quod ego Santia Petri uobis domno Gundisaluo abbati et conuentui de Fenalibus pro anima mea et remissione peccatorum meorum do meum quinionem de mea seara de Lamosinis tali pacto quod teneam ego ipsam hereditatem in uita mea et reddam inde monasterio iam dicto V solidos et, post mortem meam, remaneat ipsa hereditas libera et integra ipsi monasterio usque in finem possidendam. Si quis ex parte mea uel de extranea uenerit ad irrumpendum hanc cartam, sit maledictus et cum Datam et Abiron in inferno condempnatus et duplet uobis hereditatem et regie uoci pariat CCC^os morabitinos. Et pro roboratione huius hereditatis dedistis mihi unam bonam mulam. In Castella et Legione regnante rege domnus Fernandus, tenente terram domnus Fernandus Guterriz, iudices de Ripa Auie Iohannes Saninu et Iohannes Petri. Item sciatis quod filii de Arie Menendi debent dare annuatim monasterio de Fenalibus V solidos de ista uinea de alio quinione patris sui, quos mandauit ille pr[o] anima sua dare.
Garsias Petri Taurones testis.- Fernandus Petri testis.- Frater Gundisaluus testis.
Domnus Petrus Nuni testis.- Petrus Garsie monachi testis. Petrus monachus qui notuit