De Caualeiros

[f. 11r] In Dei nomine. ego Marina Pelaiz deouota facio kartulam uobis abbate Iohanne et congregatione uestra de hereditate mea quam comparaui cum marito meo Menendo Pelaiz de Ferna[n]do Nuniz et de uxore sua Maiore Rodriquiz. Et uocitant ipsam hereditatem Kaualeiros et iacet secus ripam Minei subtus monte Eruelia. Et do ea uobis cum termin[i]s suos locisque, montes et fontes, concedo ea uobis in perpetuum. Donetis, uendatis, faciatis de ea quicquid uolueritis. Et accipio de uobis precium quinquaginta modios in equas et in uacas et in alio habere et CCC LX et VIs missas pro alius quinquaginta modios, quia in tantum apreciata est, C^m modios, et de precio nichil remansi[t] apud uos. Et si uenerit aliquis ex parte mea uel extranea hunc factum meum ad irrumpendum temptauerit, primitus fiat excomunicatus et cum Iuda, Domini traditore, in inferno | [f. 11v] dampnatus et reddat ipsa hereditate duplata et mille solidos ad congregationum fratrum de Fenalis. Era Mª Cª LXª VIIIIª, quotum II^e kalendas maii. Pro testibus: Petrus testis, Iohannes testis, Pelagio testis. Regnante rex Alfonsus in Portugale, sedente in Tudense episcopo Ysidoro. Ego Marina Pelaiz una cum filias meas in hac kartulam manus meas roboramus.
Iohannes qui notuit (signum)