De Raucis

[f. 12r] In nomine domini Iesu Christi. Ego Gomizo Nunioni tibi abba[ti] Fenalis una cum conuentui uestro facio cartam uenditionis de hereditate mea propria que habeo in uilla de Raucis, predicto loco Requexio. Do eam uobis pro precio uidelicet XXXªV morabitinos optimos, que mihi bene complacuit et de precio nichil inde remansit. Obinde ego ipsam hereditatem do uobis intus et foris per suis terminis et locis antiquis, per ubi eam potueritis inuenire, cum quantum adprestitum hominis est in temporibus seculorum. Et est ipsa hereditas subtus mons Heruilia, terminus Tude discurrente (a) ribulo Minei, prope aulam Sancte Marine Uirginis. Et si aliquem homo uenerit, tantum de parte mea quam de extraneis, qui hunc factum meum irrumpere uoluerit et ego eam uobis in concilio deuendicare non potuerim a parte uestra, que pariam uobis ipsa hereditate duplata uel triplata siue quantumn fuerit meliorata in tali loco uel optimo et uobis perpetim abitura et hoc factum meum semper sit firmum et semper habeat roborem. Facta karta uenditionis sub die III kalendas ianuarii, era Mª CCª XIIª, in Portugale regnante rex Alfonsus et filio eius rege Sanchio, in Ualadares Suerius Arias, in sede Tude episcopus Beltranus, archidiaconus Garsie. Qui presentes fuerunt: Petrus testis, Iohannes testis, Pelagius testis. Ego Gomizo Nunionis uobis abbas Fenalis una cum conuentui uestro in hac kartam manus meas proprias roboro.
Petrus pro nomine Magnus scripsit propriis manibus (signum).