De sauto Menendi

[f. 19v] In Christi nomine. Ego Petrus Muniz cognomine Bergoti cum meis fratribus et sororibus, cum Fernando Muniz et Sancio Monit et Urraca Moniz et Toda Moniz, tibi Petro abbati monasterii de Fenalibus et omni conuentui ipsius monasterii facimus cartam testamenti de illa nostra hereditate quam habemus ex parte auorum nostrorum et est sita in sauto Menendi et quantum habemus in uinea de Spineiro, quam habebamus pro cambia de Uallo. Damus hoc totum uobis et concedimus usque in eternum, in primis pro animabus nostris et pro quinque morabitinis quos nobis relinquistis, ita ut de hodie die de nostro iure sit ablata et in uestro dominio confirmata. Si aliquis homo uenerit, tam de nostris quam de aliis, qui hanc cartam nostram infringere uoluerit, sit maledictus et excommunicatus et in inferno dampnatus et insuper illam hereditatem regie uoci pariat, sicut iudicatum est, et postea D solidos. Facta carta testamenti sub era Mª CCª XXª VIª et quotum Xº kalendarum iunii. Nos quidem fratres et sorores supradicti et supradicte, | [f. 20r] Petrus Moniz et Santius Moniz et Fernandus Moniz et Urraca Moniz et Maria Moniz, tibi Petro abbati de Fenalibus et omni tuo conuentui hanc cartam propriis manibus roboramus et in roboratione huius carte unum arietem recepimus.
Petrus testis, Pelagius testis, Iohannes testis, Garsias qui notuit (signum).