De Doma

[f. 22r] In Dei nomine. Ego Nunus Fernandi et soror mea Urraca Fernandi pro animabus nostris et remissione peccatorum nostrorum Deo et sancte Marie et Gundisaluo abbati et conuentui monasterii de Fenalibus facimus cartam de medietate unius casalis in uilla que dicitur Doma cum omnibus suis terminis et quatum habemus in eccelesia de Cristoual et in ecclesia de Pradaneda et Sancto Iohanne de Crespis et Sancto Michaele de Britamil et quantum habemus uel habere debemus in omnibus terminis de uillis de ipsis ecclesiis, ut habeatis et possideatis uos et omnes successores uestri absque ulla calumpnia uel contradictione nullius hominis. Si quis autem ex parte nostra uel extranea calumpniauerit uobis istam nostram donationem, sit maledictus et domino regi pariat CC aureos. Ego Nunus Fernandi et ego Urraca Fernandi in hanc cartam manus nostras roboramus et pro roboratione recepit Orraca Fernandi VII solidos. Et super hoc damus uobis nostros quiniones de piscariis Minei, sicut supra scripsimus. Facta carta sub era Mª CCª LXª Iª, in tempore regis Alfonsi Legionensi, Tudensis episcopus Stephanus, tenente Ualadares domnus Iohannes Fernandi.
Qui presentes fuerunt:
Martinus, Fernandus, Nunus testis.
Menendus, Gundisaluus, Petrus confirmant.
Petrus qui notuit (signum).