De Cecis et de Pico

[f. 22v] In Dei nomine. Ego Maior Fernandi, cum uiro meo Petro Martini, do in presenti ob remedium anime mee monasterio de Fenalibus et pro uno boue imperpetuum habendam concedo omnem hereditatem quam habemus et habere debemus ego et frater meus Iohannes Fernandi in agro de Petra de Cecis et in concambium do eidem fratri meo pro ipsa porcione sua quartam partem agri de Baloucas et porcionem meam de fonte de Donis, a uia publica inferius, et porcionem meam de Pico pro porcione sua ipsius hereditatis, quam monasterio confero. Et obligo omnia mea alia bona, tam habita quam habenda, ut semper defendat monasterium cum supradicta (a) hereditate. Si quis contra hanc meam donationem | [f. 23r] uenerit, pariat eidem monasterio, quociens uenire temptauerit, Lª aureos, carta perpetuo robore obtinente. Facta donatione sub era Mª CCª LXXXª IIIª, mense maii, regnante rege domno Santio IIº in Portugalia, tenente Ualadares Martino Egidii, in sede Tudensi Luca episcopo.
Qui presentes fuerunt: Iohannes abbas, Petrus Martini, Petrus Garsie monachi testes.
Laurentius Fernandi cum Iohannes Fernandi et alii multi testes.
Munio Suerii monachus Ursarius scripsit de mandato abbatis et Petri Martini et Iohannis Fernandi suprascripti.