De casale de Petra

[f. 24r] In nomine sancte et indiuidue Trinitatis. Notum sit omnibus ho[m]inibus presentem paginam inspecturis quod ego domna Maria Menendi facio cartam donationis pro remedio anime mee cum filiis et filiabus meis tibi Iohanni abbati monasterio de Fenalibus et conuentui eiusdem loci. Do et concedo uobis unum casale qui dicitur de Petra, quod fuit ex parte patris mei et ex conparatione, tali conditione ut illud teneam in uita mea et reddam inde in recognitione monasterio de Fenalibus annuatim unum sesteirum de tritico et alium fabarum; insuper in presenti do uobis cortinalem ipsius casalis ut plantetis ibi uineam et possideatis eam in uita mea quam post obitum meum. Et ista uinea et casale supradictum post obitum meum sit ad refectionem quoquine monachorum; et si ita non fuerit factum, uox mea recipiat illud. Et si aliquis ex parte mea uenerit qui hoc meum factum frangere uoluerit, iram Dei omnipotentis habeat et meam maledictionem et sit maledictus et excommunicatus et cum Iuda traditore in inferno condemnatus et per dominum terre conpellatur, cui uocem uestram dederitis, aposui ibi penam D^os aureos et conponat ipsam hereditatem duplatam, manente donatione in suo robore. Insuper placuit michi quod recepi a uobis XXXª solidos in robore et filius meus Martinus Reimondi XXXª solidos et Fernandus Reimondi XX^ti V^e solidos et Santia Reimondi duos caseos et Urraca Reimondiz unam uacam. Ego Stephania Roderici et alia soror mea, Steuania Roderici, confirmamus. Facta carta mense VIIº idus ianuarii, sub era Mª CCª LXXª VIIª, in Portugalia regnante rege Santio IIII^us, tenente terram Martinus Gil, in sede Tuda episcopo Stephano, iudex in Pena Regine Nuno Petri. Insuper ego domna Maria Menendiz do uobis istam hereditatem et aliam de Cerzedelo quam comparaui cum marito meo de fratre meo Gemezio Menendi pro mill CCCC^os et XXXª solidos.
Qui uiderunt et audierunt: domnus abbas testis, ego Uaasquida Reimondiz confirmo.
Dominicus prior, domnus Petrus Martini, Fernandus Alfonsi monachi, Martinus Menendi prelatus ecclesie Sancte Marie de Moreira testes.
Gundisaluus Osorit miles, Petrus Meires capellanus, Iohannes Osorit prelatus ecclesie Sancte Andree, Martinus Martini clericus confirmant.
Nos, qui istam cartam iussimus facere, propriis manibus roboramus et confirmamus (signum).