De Ceyuaes

[f. 29v] In Dei nomine. Amen. Notum sit omnibus hominibus tam presentibus quam futuris quod ego Orraca Pelagii, dicta Babao, una cum uiro meo Iohanne Fernandi et cum omni uoce mea uobis domino Martino abbati et conuentui de Fenalibus omnique uoci uestre fatio cartam uenditionis de illo meo casali quod habeo in uilla que uocatur Ceyuaes, quod casale accidit mihi ex parte matris mee domine Marie Fernandi cum omnibus suis pertinenciis, quas habet tam in montibus quam in fontibus et cum omnibus introitibus et exitibus et cum suis omnibus aquis, pro precio nominato quod de uobis recepi, uidelicet mille et CC^os et V^e solidos Legionensis monete, cum roboratione; tantum mihi et uobis bene (a) complacuit et de precio nec de roboratione nichil remansit in debito pro dare. Ab hac hora igitur et deinceps sit (b) istud casale de meo iure abrasum et in uestro dominio traditum et confirmatum in omni tempore seculorum. Amen. Si quis tam de mea parte quam de alia uenditionem istam irrumpere uoluerit, sit maledictus et quantum calumpniauerit duplatum uel triplatum pectet et insuper cui uocem uestram dederitis duo millia et CCCC^os et X^m solidos persoluat et calumpnia sua nichil ualeat et uenditio mea firma semper et stabilis perseueret. Sed si forte Martinus Fernandi, filius meus, predictum casale calumpniare uoluerit - quod Deus aduertat -, do uobis omnique uoci uestre Rodericum Fernandi, dictum Agulla, pro defensore et concessore | [f. 30r] cum ipso casali predicto, ipso presente et concedente per se et per omnia bona sua. Facta carta uenditionis sub era Mª CC LXXXª, die kalendarum augusti, regnante nostro domino Santio in Portugali, episcopo Tudensi domino Luca, tenente Ualadares donno Martino Egidii, maiorino Iohannes Martini. Ego Orraca Pelagii, dicta Babao, cum uiro meo Iohanne Fernandi hanc cartam meis propriis manibus roboro et confirmo.
Qui uiderunt et audierunt: Petrus, Iohannes, Pelagius testes.
F. Al. qui (signum) notuit.