De Pensu

[f. 30v] In Dei nomine. Notum sit omnibus presentibus et futuris quod ego Fernandus Petri miles de Raucis cum sororibus meis Maria Petri et Maior Petri uobis abbati Iohanni et uestro conuentui de Fenalibus facimus cartam donationis de hereditate nostra quam habemus in uilla que uocant Pensu, in loco qui dicitur Pumar, scilicet III^am partem de ipso casali quod ibi habemus cum totis suis pertenenciis. Igitur ab hac die habeatis uos ipsam hereditatem et omnes successores uestri qui in | [f. 31r] ipso monasterio Deo seruierint in secula seculorum. Et si aliquis homo uenerit ex parte nostra uel ab extranea qui hanc donationem nostram irrumpere uoluerit, sit maledictus in cuncta secula et domino terre, uel cui uocem dederitis, pariat D solidos; carta maneat in suo robore. Facta carta donationis sub era Mª CCª LXXª IIIª, regnante rege Santio in Portugali, in Tuda episcopo Stephano, tenente Ualadares Martino Egidii.
Qui uiderunt et audierunt et presentes fuerunt: donnus Iohannes abbas, Petrus Martini monacus, Dominicus monachus, Fernandus Petri miles testes.
Rudericus Pelagii, Petrus Nuni confirmant.
Ordonius monachus qui notuit (signum).