De Mamoa

[f. 32r] In Dei nomine. Ego Menendus Roderici armiger uendo in presenti monasterio de Fenalibus totam hereditatem meam quam habeo de casali de Auteiro de Mamoa et dedi eam ad forum Iohanni Ligoni. Uendo, inquam, eam pro CC solidis Legionensibus tali conditione ut teneam eam in uita mea et n(on)dem eam aliquo modo, alicui uel aliquam eius partem alienare a iuro et dominio monasterii et soluam de ea annuatim in recognitione unum quarteirum de pane in area. Ad obitum uero meum recipiat monasterium suam hereditatem integram sine diminutione et cuiusquam contradictione et habeat iure perpetuo possidendam. Si quis contra hanc meam uenditionem uenerit, pariat monasterio predicto, uel uoci eius pulsanti, quociens impedierit tociens C aureos exsoluat et pro ausu temerario regio fisco CC aureos componat. Facta uenditione sub era Mª CCª LXXXª Vª, regnante rege Santio II° in Portugali, tenente Ualadares Martino Egidii, in Tuda episcopo Lucha. Qui uiderunt et audierunt et presentes fuerunt:
Fernandus Alfonsi, Petrus Garsie monachi, frater Martinus conuersus testes.
Laurentius Roderici miles, Petrus Canbeses, Iohannes Legon layci confirmant.
Martinus qui notuit (signum).