De Rola

[f. 33v] In Dei nomine. Ego Orraca Petri cum filiabus meis facimus cartam donationis et firmitudinis monasterio Sancte Marie de Fenalibus de nostra leira quam habemus in loco qui dicitur Rola, qualis leira dederunt mihi fratres mei pro alia mea leira de Felgueira. Damus eam monasterio iam dicto pro remedio animarum nostrarum et pro seruicio quod nobis fecerunt. Insuper etiam recepimus de ipsis fratribus pro robora huius carte V solidos et unum quarterium de pane. Habeatis et possideatis uos et omnis uox uestra ipsam leiram in secula seculorum. Si quis tamen uenerit tam de nostra parte quam ex aliena qui hanc donationem nostram frangere uoluerit, sit maledictus et excommunicatus et cum Iuda traditore in inferno dampnatus et pariat uobis ipsam hereditatem duplatam et quantum fuerit melioratam et cui uocem uestram dederitis CCC solidos exsoluat. Facta carta donationis et firmitudinis sub era Mª CCª LXXXª IIª, regnante rege Santio in Portugalia, tenente Ualadares Martino Egidii, in sede Tuda dominante episcopo Lucha.
Qui presentes fuerunt: domus Iohannes abbas, Gundisaluus prior, domnus Ordonius Garsie testes.
Pelagius, Petrus confirmant.
Pelagius presbiter qui notuit (signum).