De Cecis

[f. 34v] In Dei nomine. Amen. Notum sit omnibus tam presentibus quam futuris quod ego Martinus Petri et uxor mea Maior Iohannis uendimus uobis domno Martino abbati de Fenalibus et conuentui uestro nostram hereditatem quam hebemus, uel habere debemus, in loco qui uocatur Cecus, quomodo diuidit et uenit ad hereditatem de Santio Polino et circuit et uenit per riuulo et fert in Furno de Tela, cum montibus et fontibus, cum riuis et pascuis et cum omni iure suo, ingressibus et egressibus, pro pretio, quod nobis et uobis bene placuit, Lª solidos Legionensis monete, quos iam a nobis ex integro persoluistis et IIII^or solidos quos dedit nobis Petrus Garsie prior ad roborandam cartulam coram omni concilio de Sancta Maria de Palaciis. Et ego Rudericus Menendi auctor sum ad faciendam ipsam cartam de consensu supradictorum uenditorum. Si quis autem tam ex nostra parte quam ex aliena contra hanc uenditionem nostram uenire presumpserit, maledictionem Dei omnipotentis, Patris et Filii et Spiritus Sancti sit super eum et nostra et insuper pectet supradicto abbati et conuentui D solidos, carta nichilominus in suo robore permanente. Quod si quis de filiis nostris seu de parte nostra adhuc contra hanc uenditionem nostram uenerit, iam dictus abbas et conuentus ueniant ad omnia bona nostra quam modo habemus et reintegrent se bene et semper carta in suo robore permanente. Facta carta uenditionis sub era Mª CCª LXXXª, regnante | [f. 35r] rege domno Santio in Portugallia, in sede Tudensi episcopo Lucha, tenente Ualadares Martino Egidii, rector ecclesie Sancte Marie de Palaciis Rudericus Menendi, maiorinus Alfonsus T(r)ia, iudices in Melgazo Iohannes Ospes et Rudericus Iohannis.
Qui uiderunt et audierunt et presentes fuerunt: prior Petrus Garsie, frater Petrus Montarius conuersus, Rudericus Menendi clericus, Fernandus Castanae laicus. Testes sunt isti et alii multi de Palaciis.
Frater Iohannes monachus Ursarie qui notuit (signum).