De Cabreiro et de Uilar

[f. 37v] In Dei nomine. Ego Martinus Nuni, prelatus ecclesie Sancti Iacobi de Penso et naturalis de Cabreiro, propter amorem Dei et gloriose Uirginis Marie et pro remedio anime mee fatio cartam de hereditate quam habeo in locis nominatis patrimonii mei uobis Martino abbati et conuentui de Fenalibus. In primis (a) in Cabreiro de XVI quinionibus unum de Requasio et quantum habeo in ecclesia Sancti Saluatoris et in uilar de casali de Cabo, de uilla de Tercia et ad quartam casalis cum suis terminis et in Saa quantum habeo in ecclesia Sancti Petri et in Gonderiz, in Couas, quartam unius casalis et quantum habeo in ecclesia Sancte Eolalie, et in Gradi quantum habeo in uilla et ecclesia, et in Cabana Maior quantum in uilla et in ecclesia, et quantum habeo in Uilela de Gradi et in Selin et quantum habeo in ecclesia Sancti Petri de Gandera. Facta donatione sub era Mª CCª LXXXª, regnante rege Santio II° in Portugali, in Tuda episcopo Lucha, tenente Ualde de Uice Martino Egidii, in Ual de Uice iude (b) Petro Laurencii.